9 ақпанда Қарағандыда үстел теннисінен Қазақстан ұлттық құрамасына бірінші іріктеу турнирінің жеңімпаздары мен жүлдегерлері анықталды. Жарысқа 16 спортшы ұлдар мен 16 спортшы қыздар шықты, ал құрмет тұғырына Алан Құрманғалиев (1 орын, Қарағанды), Денис Жолудев (2 орын, Өскемен), Ырысбек Артұқметов (1 орын, Шымкент), Зәуреш Ақашева (1 орын, Қарағанды), Сарвиноз Мирқадірова (2 орын, Шымкент), Алсу Сапарова (3 орын, Орал) көтерілді. Турнирден алған әсерімен Алан Құрманғалиев бөлісті: "Кеше таңертең Тунистен ұшып келдім, біраз уақыт демалып, түс кезінде осында ойнадым. Ырысбек Артұқметовке қарсы матч қиын болды - 0:2 есебімен жеңіліп жатып, өз-өзімді қолға алып, 3:2 есебімен жеңіске жеттім. Бірінші орын үшін ойында тәжірибелі Денис Жолудевті 3:0 есебімен жеңдім. Қатты шабуыл жасадым, менің тарапымнан аз қателіктер жіберілді, сенімді түрде қорғандым, жауапты жарыстарда бірінші орын алғаным үшін өте қуаныштымын".

10 ақпанда "Saryarka" үстел теннисі орталығында ел құрамасына 2-ші іріктеу турнирі өтеді.

Талап Қойбағаров