13 сәуірден бастап Алматыда " ADD " үстел теннисі орталығының базасында "CNPC – Қазақстан Республикасының үстел теннисі федерациясы" академиясы жұмыс істей бастайды, ол еліміздің ұлттық, жастар және жасөспірімдер құрама командаларының, сондай-ақ Қазақстан Республикасы облыстарының және Нұр-Сұлтан, Алматы, Шымкент қалаларының құрама командаларының жаттықтырушылары мен спортшыларын даярлау үшін негізгі спорттық база болып табылады.

(ITTF) Халықаралық үстел теннисі Федерациясының барлық талаптарына жауап беретін үстел теннисі академиясының техникалық мүмкіндіктерін атап өткен жөн: жалпы ауданы 5 200 ш.м., 24-ке дейін ұлғайту мүмкіндігі бар, 12 теннис үстелдеріне арналған ойын залы, 6 үстелі бар жаттығу залы, 79 адамға дейін орналасуға болатын қонақ үй кешені, мейрамхана, фуд-корт, сондай-ақ кәсіби еден жабыны, жарықтандыру, тренажер залы, медициналық бөлме, жаттықтырушыларға арналған және шешінетін бөлмелер бар.

Сонымен қатар, жаттықтырушылардың біліктілігін арттыру және спортшыларды даярлау үшін Федерация Қытайдан жоғары білікті жаттықтырушы - Сюн Таоны (XIONG Tao) шақырды, оның жетекшілігімен жаттықтырушыларға арналған оқыту семинарлары және оқу-жаттығу жиындары өткізіледі.

Сюн Тао ҚХР ұлттық құрама командасының мүшесі, елдің командалық чемпионатының жеңімпазы болған. Сонымен қатар, ол әлемнің бірқатар ең мықты спортшыларын жеңген болатын, олардың ішінде Олимпиада чемпионы Ян-Уве Вальднер және 4 дүркін әлем чемпионы Микаэль Аппельгрен сияқты ойыншылар бар. Спорттық мансабын аяқтағаннан кейін Италия, Германия үстел теннисі клубтарында, сондай-ақ Сычуань үстел теннисі қауымдастығында (ҚХР) жаттықтырушы болып жұмыс істеді, онда үстел теннисі бойынша техникалық оқу материалдарын дайындауға қатысты.

Академияның ашылуы "СНПС - Ақтөбемұнайгаз" АҚ-ның қаржылық қолдауының арқасында мүмкін болды, ол өзін еліміздегі спортты дамытуға белсенді көмек көрсететін, әлеуметтік-жауапты ұйым ретінде көрсетіп, сондай-ақ әлеуметтік маңызы бар жобаларды ауқымды қолдау жөніндегі қызметке үлкен көңіл бөледі.