Қазақстан Республикасының үстел теннисі Федерациясы кезектен тыс конференция өткізді, оның барысында ел өңірлеріндегі үстел теннисін дамытудың ағымдағы жай-күйінің мәселелері талқыланды, өңірлік федерациялармен бірлескен келешекті жұмыс жоспары қаралды, сондай-ақ Павлодар облысы мен Алматы қаласы федерациялары президенттерінің атқарған жұмыстары туралы есептер тыңдалды. Конференция отырысы ҚР ҮТФ президенті Данияр Әбілғазиннің басшылығымен, Федерацияның вице-президенті Елсияр Қанағатовтың, Бас хатшы Данил Пактың және облыстық, қалалық федерациялар өкілдерінің қатысуымен өтті.

"Біз әрқашан біздің спорт түрін дамыту мен насихаттаудың маңыздылығы туралы айтамыз. Бірақ әрқашан сапаға ұмтылу керек. Сондықтан, балалардың жақсы базасы болуы үшін аймақтардағы үстел теннисі клубтары мен бөлімшелері жоғары деңгейде жұмыс істеуі қажет. Материалдық-техникалық базаның тұрақты нығаюын, мамандарды сапалы іріктеу мен оқытуды қадағалау маңызды. Аудан орталықтарында жағдай жасау және спортты дамыту қажет. Қазір біздің спортты дамытуға деген қажырлы жұмысымыз - ол болашаққа қосқан зор үлесіміз. Және жұмыс жан-жақты болуы керек. Қазір біз заманауи уақытпен бірге жүруіміз керек. 21 ғасырда әлеуметтік салада белсенді болмай, қажетті нәтижелерге қол жеткізе алмайсыз.

Үстел теннисі - кез келген адам шұғылдана алатын белсенді және серпінді спорт түрі. Біз бұқаралық ақпарат құралдары мен PR және, әрине, әлеуметтік желілер арқылы біздің спорт түрі мен спортшыларымыздың танымалдылықтарын арттыруымыз керек. Әрбір отандық турнирде біз толық залдар мен трибуналарды тамашалай алуымыз үшін жанкүйерлердің қызығушылығын ояту қажет. Қазір бұл үшін медиа-маркетинг, әлеуметтік желілердегі жарнама, телевизиялық және YouTube хабарлары, демеушілерді тарту және т. б. сияқты барлық жағдайлар мен құралдар бар. Біз өз спортымызды насихаттауға медиа-кеңістікте де көбірек көңіл бөлуіміз керек деп санаймын. Біздің спортшылар мен жаттықтырушыларда өз жанкүйерлеріне айтатын және көрсететін көп нәрселері бар. Спортты коммерцияландыру да дамудың жақсы қадамы болып табылады. Өсуге деген көбірек мүмкіндіктерге ие болуы үшін аймақтық федерацияларға жақсы іргетас пен қолдаудың болуы маңызды. Бұл бізден қайтарымдылықты, шығармашылық тәсілді және еңбекқорлықты талап ететін үлкен жұмыс. Бірақ, мен Қазақстандағы үстел теннисінің болашағы біздің тырысуымыздың арқасында жарқын әрі табысты болатынына сенімдімін", - деді өз сөзінде ҚР Үстел теннисі федерациясының президенті Данияр Әбілғазин.

Сондай-ақ, отырыс барысында алдағы маусымға арналған жұмыс жоспары қаралды.

"Біздің спорт түрін дамыту үшін біз бірігіп, ортақ мақсатқа бірге жылжуымыз керек. Облыстық федерациялар өз өңірлерінде шұғылданушыларды көбейтуге басымдық беруі, клубтар мен үстел теннисі секцияларының ашылуы мен жұмысын үйлестіруі тиіс. Сондай-ақ, қазіргі теннисшілердің кәсіби өсуіне де көп көңіл бөлу керек. Жұмыс жоспары ауқымды, бірақ бұл жұмыстың жемісі көп күттірмейді", - деді Елсияр Қанағатов.

Қорытындылай келе, конференция Павлодар қаласында ұлттық федерацияның, Қазақстанның барлық облыстары мен қалалары федерацияларының өкілдерінің, ҚР құрамасының бас жаттықтырушысының, ұлттық, жастар, жасөспірімдер және кадеттер құрама командаларының аға жаттықтырушыларының қатысуымен жалпы көшпелі кездесу ұйымдастыру туралы шешім қабылдады. Павлодар облысының үстел теннисі федерациясы ең үлгілі федерациялардың бірі болып табылады. Конференция мүшелері алдағы жұмыс жоспарын талқылау үшін жалпы кеңес өткізеді, "JENIMPAZ" жергілікті үстел теннисі орталығына барады, аудан орталықтарындағы залдар мен секциялардың жұмысын көреді, сондай-ақ болашақ чемпиондармен кездеседі деп жоспарлануда.