25-28 шілде аралығында Алматы бес жас санатында үстел теннисінен "WTT Youth Contender Almaty" Халықаралық жасөспірімдер турнирін алғаш рет өткізеді. Жүлделі орындар үшін күреске әлемнің 13 елінен, атап айтқанда Қытайдың Тайбэйі, Гонконг, АҚШ, БАӘ, Италия, Бельгия, Оман, Иран, Үндістан, Қырғызстан, Түрікменстан, Өзбекстан және Қазақстаннан 159 спортшы қатысады. Айта кетейік, Қазақстан құрамасында жарысқа құрама команданың көшбасшылары Алан Құрманғалиев пен Сарвиноз Мирқадірова қатысады.

"Дәстүр бойынша, біздің еліміз әр күзде ересектер арасында үстел теннисінен WTT Contender сериясының турнирлерін өткізеді. Биыл Қазақстан алғаш рет беделді "WTT Youth contender Almaty" жасөспірімдер турнирін өткізеді.

Бұл жарыстарды ұйымдастыру барлық деңгейлердегі үстел теннисін дамытуға деген ұмтылысымыздың тағы бір дәлелі болып табылады. "WTT Youth Contender Almaty" біздің жас таланттарымызға жаңа қарсыластармен кездесуге, халықаралық аренада өз қабілеттерін көрсетуге, сондай-ақ әлемдік рейтингте ұпай жинауға бірегей мүмкіндік береді. Жарыс 11 жастан 19 жасқа дейінгі ұлдар мен қыздар арасында өтеді.

Осындай жас кезіндегі туған қабырғадағы халықаралық тәжірибе біздің болашақ чемпиондарымызға қосымша ынталандыру мен мотивация беретініне сенемін. Біз бұл бастаманы жыл сайын жүйелі түрде өткізуді жоспарлап отырмыз.

Біз барлық жанкүйерлер мен спорт әуесқойларын осы маңызды оқиғаға қатысуға шақырамыз. Біз бірге ұмытылмас атмосфераны құрамыз және спортшылардың жаңа буынын жоғары жетістіктерге шабыттандырамыз. "WTT Youth contender Almaty" турнирінің барлық қатысушыларына табысты өнер көрсетуді және жарқын жеңістерді тілеймін!",- деді ҚР Үстел теннисі федерациясының президенті Данияр Әбілғазин.

(ITTF) Халықаралық үстел теннисі Федерациясының және (WTT) Әлемдік үстел теннисінің қолдауымен өтетін турнирде жас теннисшілер келесі қашықтықтар бойынша ең мықтыларды анықтайды:

1. Ұлдар мен қыздар, 11 жасқа дейінгі жеке разряд;

2. Ұлдар мен қыздар, 13 жасқа дейінгі жеке разряд;

3. Жасөспірім ұлдар мен қыздар, 15 жасқа дейінгі жеке разряд;

4. Жасөспірім ұлдар мен қыздар, 17 жасқа дейінгі жеке разряд;

5. Жасөспірім ұлдар мен қыздар, 19 жасқа дейінгі жеке разряд;

6. 15 жасқа дейінгі аралас жұптық разряд;

7. 19 жасқа дейінгі аралас жұптық разряд.

Аталмыш бастама Алматыдағы "ADD Ustel Tennis Ortalygy" үстел теннисі орталығында өтеді. Жарысқа кіру тегін.

Турнирдің көрсетілімі "Qazsport" республикалық телеарнасында, сондай-ақ WTT ресми сайтында өтеді.

Турнирдің бас серіктестері "Samruk-Kazyna" АҚ, "Sport Qory" туризм және спорт индустриясын қолдау қоры және "Samruk-Kazyna Trust" әлеуметтік жобаларды дамыту қоры болды.

Сондай-ақ, ҚР ҮТФ Алматы қаласы әкімдігіне, сондай-ақ "ADD Capital", "Kazakhmys", "Halyk Bank" демеушілеріне және "Qazsport" ақпараттық серіктесіне турнирді ұйымдастыруға көмектескендері үшін алғыс білдіреді.

Турнирдің бас серіктесі @samrukkazyna_official компаниялар тобының бірыңғай қайырымдылық операторы - Әлеуметтік жобаларды дамыту қоры @samruk_kazyna_trust, сондай-ақ Туризм және спорт саласын қолдау қоры @sportqory атанды.

Қазақстан Республикасы Үстел теннисі федерациясы турнирді ұйымдастыруға көмектескен @akimat_almaty, демеушілер «ADD Capital», @kazakhmys_official, @halykbank.kz және ақпараттық серіктес @qazsport_official алғысын білдіреді.