Алматыда "ADD" үстел теннисі орталығында Қазақстан мен Ресейдің жасөспірімдер командаларының, сондай - ақ Қазақстан ұлттық құрамасының оқу-жаттығу жиыны өтуде.

Орталықтың тамаша жағдайлары жаттығу барысына барынша көңіл бөлуге мүмкіндік береді. Қонақ үй, мейрамхана, жаттығу және жаттығу құрылғылары бар залдары бір ғимаратта орналасқандықтан спортшыларға күш пен уақытты тиімді бөлуге мүмкіндік береді. Мұндай жағдайда жұмыс істеу өте жағымды.

"ADD" орталығы еліміздің ұлттық, жастар және жасөспірімдер құрама командаларының, сондай-ақ Қазақстан облыстары мен Астана, Алматы, Шымкент қалаларының құрама командаларының жаттықтырушылары мен спортшыларын даярлау үшін негізгі спорттық база болып табылады. Техникалық мүмкіндіктер (ITTF) Халықаралық үстел теннисі Федерациясының барлық талаптарына жауап беретінін және Федерацияның жоспарында мұнда тұрақты негізде жаттықтырушыларға арналған бірлескен оқыту семинарлары мен алыс және жақын шетелдердің құрама командаларымен оқу-жаттығу жиындарын өткізу жоспарланғанын атап өтемін. Бұл спорт нысаны халықаралық жаттығу орталығы болып табылады", - деп атап өтті Республикалық үстел теннисі Федерациясының президенті Данияр Әбілғазин.

"Мен әлемнің көптеген елдерінде болдым және Алматыдағы тамаша жағдайларға таң қалдым - кәсіби еден жабыны, құрал-жабдық, жарықтандыру, жаттығу құрылғылары бар залы, медициналық кабинет, жаттықтырушылардың бөлмесі, шешінетін бөлмелер, ойын және жаттығу залдары, қонақ үй кешені, мейрамхана. Барлығы бір жерде, бәрі жақын, сіз спорт зал - жаттығу құрылғылары бар зал - қонақ үй - асхана арасындағы жолға уақыт жұмсамайсыз. Спортшыларда келесі жаттығуға дейін демалуға және қалпына келуге көбірек уақыт болады. Біз мұнда болашақ чемпиондарымызды дайындауды жоспарлап отырмыз. Қазақстанның үстел теннисі Федерациясына рахмет. Сондықтан осылайша ары қарай өрлей беріңіздер!"- деді Олег Завалюев, Ресей үстел теннисі Федерациясының бірінші Вице-президенті.

Талап Қойбағаров