Спорт жұртшылығының дәстүрлі жиналысында Түркістан облысы үстел теннисі Федерациясының президенті Балтабай Құрбанбаев Сарыағаш аудандық үстел теннисі Федерациясының басшысы, белгілі бизнесмен, біздің спорт түрінің жанкүйері Садық Жиренбайовты (суретте) жаттықтырушылар ұжымына таныстырды. Екі облыстық деңгейдегі жарыстарды өткізу кезінде Садық Оспанұлы баннерлер дайындауға, кубоктар, медальдар, бағалы сыйлықтар, спорттық киімдерді сатып алуға барынша көмек көрсеткені атап өтілді. Жаңадан кіріскен президенттің алдағы жоспарында материалдық-техникалық базаны нығайту, теннисшілерді сапалы жаттығу жағдайларымен қамтамасыз ету, сарыағаштықтардың облыстық және республикалық жарыстарда табысты өнер көрсетуі, жоғары деңгейдегі спортшыларды даярлау көзделген.

Талап Қойбағаров