Орынбор үстел теннисі орталығында «А» Жоғары лигасының әйелдер командалары арасындағы Ресей чемпионатының ойындары басталды. Қазақстандық «TTS Karaganda» командасы алғашқы үш матчты өткізіп, екі жеңіске жетті:

«ТТС Karaganda» - «УГМК-УОР» (Верхняя Пышма) 0:3;

«ТТС Karaganda» - ОСШОР (Тюмень) 3:2;

«ТТС Karaganda» - «Звезда» (Серпухов) 3:2.

Алаңға Александра Смирнова (суретте), Арай Әшкеева, Жанерке Көшкімбаева және Виктория Мочалкина шықты. 3 сәуірде біздің қыздар «Факел-1» (Орынбор), «Луч-Росток» (Екатеринбург) және «Сабы-Татарстан» (Богатые Сабы қалалық типтегі ауыл) клубтарымен ойнайды.

«TTS Karaganda» ерлер командасы Барнаулда өнер көрсетуде және «Финго» (Ярославль облысы) клубын 3:0 есебімен жеңгеннен кейін, №2 СШОР (Санкт-Петербург) клубына 0:3 есебімен жеңіліп қалды. Чемпионат жалғасуда.

Талап Қойбағаров