Жамбыл облысының үстел теннисі тәжірибелі маманмен нығайтылды-Евгений Груздов Қазақстанның оңтүстік өңірінің жаттықтырушы-кеңесшісі болды. Ол спорт шебері, Ресей біріншіліктерінің, Бүкілресейлік Спартакиадалардың және Халықаралық жарыстардың бірнеше дүркін жүлдегері, Ресей Федерациясының кадеттер мен юниорлар құрамасында өнер көрсеткен, Санкт-Петербургтің жұптық разрядтағы чемпионы, "Master Tour", "League Pro", "Masters" өкілдік турнирлерінің қатысушысы болған.

Евгений жас спортшылар мен облыс құрама командасының мүшелеріне тәжірибелік, теориялық дайындық көрсетеді, жас тәлімгерлермен тәжірибе бөліседі, жаттығу барысының тәжірибесіне жаңа әдістемені енгізеді.

Жаттықтырушы-кеңесшіге сәттілік тілейік!

Талап Қойбағаров