Оманда маңызды оқиға болды: Білім министрлігі мен Үстел теннисі қауымдастығы "Болашақ чемпиондар" деп аталатын мектептің білім беру бағдарламасына осы спорт түрін қосу туралы келісімге қол қойды. Оны іске асыру шеңберінде 282 мектеп сабақ уақытында үстел теннисімен толық айналысу үшін барлық қажеттіліктермен (үстелдермен, доптармен, ракеткалармен) толық жабдықталады, ал педагогтар міндетті түрде тәжірибелік жұмысқа баса назар аударылатын бірқатар оқыту іс-шараларынан өтеді. Бағдарлама ең жоғары үкіметтік деңгейде қолдау тапты. "Үстел теннисінен сабақтарды мектеп бағдарламасына енгізу жалпы мектептерде де, бүкіл қоғамда да спорттың дамуына айтарлықтай ықпал етеді. Бұл сабақтар оқушылар арасында ең сүйікті сабақтар қатарында болады деп үміттенеміз. Ал ұзақ мерзімді келешекте бұл бізге ұлттық командаларды дарынды атлеттермен толықтыруға және турнирлерде жоғары орындарға ие болуға көмектеседі", - деді Оман үстел теннисі қауымдастығының басшысы Абдұлла бин Мұхаммед Бамакхалиф.

ITTF материалдары бойынша