Бейрутта (Ливан) 19-21 наурыз аралығында WTТ Feeder Beirut 2024 халықаралық үстел теннисі турнирі өтеді, оған 20-дан астам елден 118 спортшы (69 ер, 49 әйел) қатысады. Қазақстанның атынан осы өкілдік жарыстарда Айдос Кенжеғұлов, Сарвиноз Мирқадірова, Владислав Захаров, Зәуреш Ақашева (суретте), Санжар Жұбанов, Анель Бақыт, Ескендір Харки, Ангелина Романовская, Ырысбек Артықметов, Арай Ашкеева өнер көрсетеді.

Біздің мүмкін қарсыластарымыздың қатарында жұптық разрядтағы әлем чемпионы, Азия чемпионатының 10 дүркін жүлдегері Чуан Чи-Юань (Тайбэй), әлем чемпионатының үш дүркін қола жүлдегері, Азия чемпионы Ан Джэ Хён (Корея), Азия чемпионатының командалық есептегі қола жүлдегерлері Хармит Десай (Үндістан), Манав Таккар (Үндістан) және Сатиян Гнанасекарян (Үндістан), Олимпиада ойындарының командадағы қола жүлдегері, алты дүркін әлем чемпионатының жүлдегері Ду Хойкем (Гонконг), командадағы 2024 жылғы әлем чемпионатының қола жүлдегері Чжу Чэнчжу (Гонконг), Әлем, Азия чемпионаттарының және Азия ойындарының бірнеше дүркін жүлдегері Со Хё Вон (Корея).

Талап Қойбағаров