Джакарта қаласында әлемнің 13 елінен келген 135 спортшылардың қатысуымен үстел теннисінен Индонезияның Паралимпиадалық ашық чемпионаты өтті. Қазақстанның атынан Талғат Эрекеев (Павлодар облысы) және жеке есепте қола медальге ие болған Қанат Үсенов (Алматы облысы суретте) шықты. Ол тек Park Hong Kyu (Корея, 2 орын) және Лондондағы 2012 жылғы Паралимпиадалық ойындардың чемпионы Thainiyom Rungroj (Таиланд, 1орын) алға жіберген болатын. Қанатты атақты жүлдесімен құттықтаймыз!

Индонезия чемпионаты тек үлкен спорттық турнир ғана болған жоқ. Ол спортшылар мүмкіндігінің шекараларын ашты, оларға күші мен ерік сипаты, табандылық пен мақсаткерліктерін танытуға мүмкіндік берді. Үстел теннисінің барлығы спорт үшінекендігіне біз тағы бір рет көз жеткіздік.

Талап Қойбағаров