Ақтөбеде облыстық үстел теннисі федерациясының, дене шынықтыру және спорт басқармасының бастамасымен тек бастапқы кезеңде ғана Ақтөбе қаласының 20 мектепке дейінгі мекемесі мен облыстың 6 ауданынан 500 баланы қамтитын «Үстел теннисі бала бақшадан» жобасы жұмыс істей бастады. Бұл бастама 5-6 жастағы балаларды үстел теннисі арқылы дене шынықтыру және спорт әлеміне тартуға бағытталған, ол бірнеше міндеттерді шешеді:

- Мектеп жасына дейінгі балалардың денсаулығын нығайту;

- Балалардың қозғалыс және үйлестіру қабілеттерін, олардың физикалық қасиеттерін дамыту (жылдамдық, күш, икемділік, буындардың қозғалғыштығы, ептілік, төзімділік);

- Психикалық процестерді дамыту (қабылдау, ойлау, зейін, есте сақтау);

- Жалпы моториканы дамыту;

- Ұйымшылдыққа, дербестікке, белсенділікке тәрбиелеу;

- Ерікті қасиеттердің көрінісі (батылдық, өзіне деген сенімділік).

Үстел теннисімен айналысудың артықшылықтары көп.

Талап Қойбағаров