Қазақстанның үстел теннисі шеберлері 18 Наурызда Дохада (Катар) басталған Азия олимпиадалық біліктілік турнирінде ауыспалы сәттілікпен бастама алды. Біздің құраманың көшбасшысы Кирилл Герасименко кіші топта екі жеңіспен жартылай финалға шықты: Эльмурод Халиков (Өзбекстан) 4:0, Нима Аламиян (Иран) 4:3.

Айдос Кенжеғұлов өз жанкүйерлері мен тәлімгерлерінің сенімдерін ақтай алмады, Ношад Аламияға (Иран) 0:4 және Азамат Ергешовқа (Қырғызстан) 1:4 есептерімен ұтылды.

Анастасия Лаврова Шима Сафаэиді (Иран) 4:2 есебімен жеңді, бірақ Римма Гуфрановаға (Өзбекстан) 2:4 есебімен жеңілді.

Зәуреш Ақашева (суретте) Мархабо Мағдиеваны (Өзбекстан) 4:3 есебімен жеңіп, Неда Шахсавариге (Иран) 1:4 есебімен жеңіліп қалды.

Аралас разрядтағы турнирдің нәтижелері.

Кирилл Герасименко/Анастасия Лаврова - Найре Джанн Мари/Фадоль Руоз Жан (Филлипин) 4:1;

Кирилл Герасименко/Анастасия Лаврова - Танвириявечакул Падасак/Саттабут Сутасини (Таиланд) 0:4.

20 наурызда Токиоға Олимпиада жолдамаларының иегерлері белгілі болады. Қазақстандықтарға сәттілік!

Талап Қойбағаров