"Ақ Бұлақ" Олимпиадалық орталығында Орал тау-кен металлургия компаниясының үстел теннисі клубы ("ОТМК", Свердлов облысының Верхняя Пышма қаласы) спортшыларының және қазақстандық кіші ракетка жас шеберлерінің оқу-жаттығу жиындары (ОЖЖ) жалғасуда. Командалардың тәлімгерлері ОЖЖ туралы өз әсерлерімен бөлісті.

Сергей Хонин, ОТMK резерв клубының жаттықтырушысы: "База орта таулықта орналасқан, бұл теннисшілердің физикалық жағдайына жағымды әсер береді, оларды жоғары деңгейге көтеріп, жарыс кезінде сапалы әсер етеді. Осылайша, Маргарита Мурзина, Анастасия Ковригина екі апталық оқу-жаттығу жиынын өткізіп, "ОТМК-Резерв"құрамында Ресейдің клубтық чемпионатына аттанды. Маргарита, Наталья Жижикина (ресейлік рейтингте 17-ші), Анастасия Колиш (25-ші) сияқты мықты ойыншыларды жеңіп, өз рейтингісін жақсартты. Алматы облысындағы оқу-жаттығу жиындарына рахмет. Осы мүмкіндікті пайдалана отырып, барша қазақстандықтарды келе жатқан Жаңа жылмен құттықтағым келеді! 2021 жыл жемісті және нәтижелі болсын! Жеңіске ұйымшыл, ынтымақты ұжыммен жетіңіздер".

Евгений Тимченко, жасөспірімдер мен кадеттер бойынша Қазақстан құрамасының аға жаттықтырушысы: "Ақ Бұлақ" олимпиадалық орталығы карантин, оқшаулау, 10 ай бойы жарыстардың болмауы сияқты қиын-қыстау кезеңде біздің туған үйімізге айналды. Сөйтіп, ұзақ үзілістен кейін біз үшін алғашқы құтқару оқу-жаттығу жиыны 15 қыркүйекте басталды. Осы кезеңде Қазақстанның жетекші жасөспірімдері мен кадеттері "Ақ Бұлақта" төрт ОЖЖ, 72 күн өткізді. Қазіргі жиын ресейлік әріптестермен бірге өтуде - оның құрамында "ОТМК-Резерв" клубының ойыншылары бар, олар Ресей біріншіліктерінің, Халықаралық жасөспірімдер арасындағы жарыстардың жеңімпаздары мен жүлдегерлері Илья Конюхов, Мирон Васильев, Серафим Орлов, Злата Терехова, Арина Зырянова, Яна Пикарова сияқты ойыншылар. Бірлескен жаттығуларда тәлімгерлер тәжірибесімен, спортшылар өз шеберліктерімен бөлісті. Өткізілген бірнеше жолдастық матчтар қарсыластардың күштері тең екенін көрсетті, ал Әнел Бақыт, Ангелина Романовская, Сарвиноз Мірқадірова сияқты ойыншылар Свердлов облысының шеберлеріне лайықты қарсылық көрсетті. Ортақ жиын бәріне үлкен пайда әкеледі".

Суретте солдан оңға қарай Сарвиноз Мірқадірова, Дмитрий Сусметов, Әнел Бақыт, Рамис Туйчиев, Ангелина Романовская, Арина Зырянова

Арина Зырянова, Вера Смирнова, Анастасия Степанова

Талап Қойбағаров