Үстел теннисінен Қазақстанның ерлер құрамасы жартылай финалға шықпады және осы күндері Астанада өтіп жатқан Азия чемпионатының медалін жеңіп ала алмады. Ширек финалда біздің қарсыластарымыз Үнді спортшылары болды -құрлықтық чемпионаттың бес дүркін қола жүлдегерлері.

Қазақстан-Үндістан 1:3.

Кирилл Герасименко - Манав Таккар 0:3.

Қазақстан құрамасының көшбасшысы көптеген қателіктер жіберді, кездесудің алғашқы минуттарынан бастап Манав Таккарға бастаманы беріп қойды және жанкүйерлер үшін күтпеген жерден құрғақ жеңілді.

Алан Курмангалиев - Хармит Десаи 3:0.

17 жастағы Алан чемпионатта жарқын өнер көрсетуде, керемет жекпе-жектер өткізіп, жеңіске деген ерік-жігерін көрсетеді.

Айдос Кенжигулов - Шарат Камал 0:3.

Шарат Камалдың жоғары шеберлігі мен орасан зор халықаралық тәжірибесі оған жеңіс әкелді.

Кирилл Герасименко - Хармит Десаи 2:3.

Теннисшілер бес партия ойнады: 1:0, 1:1, 2:1, 2:2, 2:3 және Қазақстан құрамасы медальсыз қалды.

Талап Қойбағаров