Оралда өтіп жатқан үстел теннисі бойынша Қазақстан чемпионатында командалық есептегі алтын, күміс және қола жүлдегерлер анықталды. Қыздардан бастайық. Батыс Қазақстан облысының, Нұр-Сұлтан қаласының құрамалары жартылай финалда жеңіліс тауып үшінші орынды иеленді және жарыстың соңғы күні құрмет тұғырына Гауһар Алмағамбетова, Алсу Сапарова, Әсем Нұрмұханбетова көтеріледі, Оралдық жаттықтырушылар Сарвар Назарова, Владислав Кузьмин, елордалық теннисшілер Елена Зубкова, Алтынай Ержанқызы, Алиса Цвигун, Алина Шайхина, тәлімгер Серік Мырзаспаев.

Финалда елдің танымал көшбасшылары Қарағанды мен Шымкенттің спортшылары өнер көрсетті. Зәуреш Ақашева 14 жасар Сарвиноз Мірқадірованы жеңді және "Шахтерлер" 1:0 есебімен алға шықты. Александра Смирноваға қарсы тартыста Мәлика Илхамжанова есепті 1:1 етіп теңестірді. Арай Әшкеева, Зәуреш Ақашева еліміздің оңтүстігінен келген ойыншылар Озода Азатованы және Мәлика Илхамжанованы жеңіп, чемпиондық кубогты иеленді.

Кеше жігіттер арасындағы қола жүлдегерлер атанды – олар Шығыс Қазақстан, Қарағанды облыстарының теннисшілері, ал бірінші орын үшін қонақжай иелері мен шымкенттіктер шайқасты. Дастан мен Айдос Кенжеғұловтар және Санжар Жұбанов тартысты кездесуде Бақдәулет Әкімәлиден, Ырысбек Артұқметовтан, Сарвар Ырысалиевтен мықты болып, туған қаласы Оралға алтын медаль түрінде сыйлық табыс етті.

Қазақстан чемпионаты жалғасуда.

Талап Қойбағаров