Үстел теннисінен Қазақстан командасының өкілі Кирилл Герасименко Олимпиада лицензиясын жеңіп алды. Бұл туралы бүгін, 1 маусымда белгілі болды. Olympic.kz-ке берген сұхбатында спортшы өзінің жетістігіне түсініктеме беріп, біліктілік кезеңіндегі маңызды сәттерді атап өтті.

"Мен не болып жатқанын толық аяғына дейін түсіне алмай шокта жүрмін, тіпті сене алмаймын. Өте қуаныштымын, сөзбен жеткізе алмаймын. Енді маусым айы бойы Қарағандыдағы үстел теннисі орталығында дайындалып, одан кейін "Ақбұлақ" Олимпиада орталығында Олимпиада ойындарына дейін жаттығуды жалғастыру жоспарланып отыр. Дайындық туралы айтатын болсам, біз әрдайым жаттығып, түрлі турнирлерге қатысып, төрт жылдықтың басты сөресін әрдайым есте ұстайтынымызды атап өтуге болады. Біз әрқашан соған ұмтыламыз, әр жарыс өте маңызды болып табылады, әсіресе мен үшін. Әрбір жарыс бастамасының арқасында мен Ойындарға мамандандым. Барлық жерде толық күшімді салдым.

Егер дене дайындығы туралы айтатын болсақ, үш апта бұрын маған ота жасалды және қазір белсенді түрде қалпыма келуге және спорттық күйімді қайтаруға тырысудамын. Жауынгерлік көңіл-күймен дайындалып. Олимпиадада жақсы ойын көрсету үшін көп жұмыс жасаймын.

Біздің федерацияға, оның президенті Данияр Әбілғазинге, ата-анама, Дмитрий Левенкоға көрсеткен көмектері мен қолдаулары үшін үлкен алғысымды білдіремін", - деді Герасименко.

Естеріңізге сала кетейік, Герасименко ITTF-тің әлемдік рейтингісіндегі позицияларына сәйкес лицензияларды бөлу қорытындысы бойынша квота иегері атанды. Бұл біліктілік әдісі Токио Олимпиадасына іріктеудің бірнеше мүмкін жолдарының бірі болып табылады. Осылайша, үстел теннисінен Қазақстан командасының активінде екі лицензия бар. Бұған дейін Орта Азия аймағының іріктеу турнирінде жеңіске жеткен Анастасия Лаврова Ойындарға жолдама алған болатын.