Қазақстанда (Астана) алғаш рет 1 миллион АҚШ доллары рекордтық жүлде қорымен үстел теннисі бойынша Гранд-Финал Әлемдік Тур басталды.

Бүгін алғашқы күні жарқын да қызыққа толы оқиғаларымен басталды. Мәселен, шағын ракетканың үздік шебері: Еуропаның бірнеше дүркін чемпионы, Әлем кубогының екі дүркін жеңімпазы, әлем чемпионатының жеті дүркін жеңімпазы, 2008 жылғы Олимпиадалық ойындардың командалық есебіндегі вице-чемпион 36 жастағы Тимо Болль (Германия) өз ойындарымен қуантты.

Тимо Әлемдік Турда алғаш 2001 жылы (осындай жеңістің барлығы 19) Бразилияда ұтып алды , ал 2005 жылы Гранд-Финал жүлдегері атанды. Тура 12 жыл өтті, Тимо Болль 4:2 есебімен жеңісті жалғастырды, жапондық Юя Ошима тізе бүкті.

Азияның қазіргі кездегі чемпионы, әлемнің 6-шы ракеткасы Мию Хирано (Жапония) қиын да қызықты жекпе-жекте 3:4 Гу Ютиньнен (Қытай) жеңілді, 15 000 $ жинақтады және турнирден шығып қалды.

Ерлердің жұп разрядында осы жылы Нью-Делиде, Дохада әлемдік турдың екі сатысын жеңіп алған, Масатака Моризоно мен Юя Ошимаға (Жапония, әлемдік рейтингте алғаш рет) барлық назар аударылған, Гранд-Финалда жеңістің қуанышын сезінген бұл жалғыз жапондық дуэт. Астанада 14 желтоқсанда Моризоно мен Ошима өздерінің жерлестері Томоказу Харимото - Юто Кизукурилерден (3:2) мықты болды және егер финалға шықса, онда әлемдік рекордты белгілейді - үш жыл қатарынан шешуші матчқа дейін жетеді.

Турнир айналым алуда, ертең теннис үстелінде 15.30-да Кирилл Герасименко (Қазақстан), Томоказу Харимото (Жапония) кездеседі. Кирилге жеңіс тілейміз!

Суретте: Масатака Моризоно мен Юя Ошима (Жапония)