24 шілде мен 10 тамыз аралығында атақты "ОТМК" клубының (Орал тау-кен металлургия компаниясы, Свердлов облысы) спортшылары "ADD" үстел теннисі орталығында өздерінің қазақстандық әріптестерімен оқу-жаттығу жиынын өткізеді. Алматыға сапар алдында ресейліктер Кабардин-Балқар Республикасының Эльбрус ауданы Тегенекли ауылының Эльбрус аймағында 2000 метр биіктікте дене дайындықтарын жақсартты. "ОТМК" спарринг-жаттықтырушысы, 2005 жылғы жасөспірімдер арасындағы әлем чемпионы, 2008ж., 2009ж., 2010ж., 2011ж. төрт дүркін Еуропа чемпионы, 2010ж., 2012ж. Әлем чемпионатының екі дүркін күміс жүлдегері Патрик Баум (Германия) өз әсерлерімен бөлісті:

"Германияда биік таулар жоқ, сондықтан мен бұрын-соңды мұндай жағдайда, осындай биіктікте жаттығу жасамадым. Мұнда үстел теннисін, техникаңды басқаша түсіне бастайсың. Доп баяу ұшады, сондықтан алғашқы жаттығуларда үнемі үстелге дәл тигізе алмайсың. Және ЖДД мұнда қиынырақ болады, тауда жүгіргенде басқаша тыныс аласың. Екі аптада үйренесің және төмен түскенде өзіңді жақсы сезініп, әлдеқайда көп нәрселер жасайсың ".

Талап Қойбағаров