Астанада бас серіктес «Самұрық-Қазына» АҚ және туризм мен спорт индустриясын қолдау қоры «Sport Qory» қолдауымен «Жас спортшыларға арналған салауатты өмір салтының және допингке қарсы сауаттылықтың негіздері» тақырыбында білім беру семинары өтті.

Іс-шараның негізгі мақсаты жас спортшылардың денсаулыққа, спорттық жұмыс қабілетіне және спорттағы ұзақ мерзімді дамуға әсер ететін факторлар туралы білім деңгейін арттыру болды. Қатысушылар теңгерімді тамақтану, ұйқы және қалпына келу режимі, сондай-ақ спорттық қоспаларды сауатты қолдану ерекшеліктерін талқылады.

Семинар спикері ұлттық құраманың дәрігері Роман Быков болды. Жоғары жетістіктер спортындағы көпжылдық тәжірибесіне сүйене отырып, ол спортшылардың денсаулығын сақтаудың негізгі қағидаттары туралы айтып, спорт резервін даярлау кезеңінде де, болашақ кәсіби мансапта да пайдалы болатын тәжірибелік кеңестерімен бөлісті.

Жеке бөлім допингке қарсы сауаттылыққа арналды. Қатысушылар таза спорт қағидаттары, спортшының жеке жауапкершілігі және дәрілік препараттар мен спорттық тағамдарды таңдауға мұқият қараудың маңыздылығы туралы білді.

Осындай білім беру жобалары өскелең ұрпақтың бойында дұрыс әдеттерді қалыптастыруға, өз денсаулығына жауапкершілікпен қарауға және адал спорттық бәсекенің құндылықтарын түсінуге ықпал етеді.