Ливанда (Бейрут қ.) үстел теннисінен "WTT Feeder Beirut" халықаралық турнирі Кирилл Герасименко (Қазақстан) - Чуан Чи-Юань (Тайбэй) арасындағы финалдық матчпен аяқталды. Қазақстандықтың қарсыласы -атақты ракетка шебері, жұптық разрядтағы әлем чемпионы, Азия чемпионатының 10 дүркін жүлдегері Чуан Чи-Юань (Тайбэй) болды.

Матч өте әсерлі, тартысты, екі қырлы болып шықты және титулды тайбэйлік ойыншының пайдасына 3:1 есебімен аяқталды.

Кириллді жақсы нәтижемен құттықтаймыз. Финалға дейін ол 4 сенімді жеңіске жетті, оның ішінде Еуропа чемпионатының күміс және қола жүлдегері Гьонис Панайотис (Греция), командалық есептегі Азия чемпионатының қола жүлдегері Сатиян Гнанасекарян (Үндістан) сияқты ойыншылар бар.

Қазақстан спортшыларының қоржынында сондай-ақ екі қола медаль бар, ол жүлделерді жұптық разрядта Айдос Кенжегұлов/Алан Құрманғалиев және ЗәурешАқашева/Сарвиноз Мирқадірова жеңіп алды.

Талап Қойбағаров