Салтанатты рәсім Орынбор үстел теннисі академиясында ұйым басшыларының, жаттықтырушылар мен спортшылардың қатысуымен өтті. Құжатқа Қазақстан Республикасы үстел теннисі федерациясының бас хатшысы Данил Пак пен Орынбор облыстық федерациясының вице-президенті Виктор Купчик қол қойды.

Бұл меморандум мыналарды көздейді:

- Тараптар алаңдарындағы жарыстарға қатысу;

- бірлескен оқу-жаттығу жиындарын өткізу;

- спорттық менеджмент және маркетинг саласында тәжірибе алмасу;

- спорт төрешілері мен жаттықтырушылардың біліктіліктерін арттыру бойынша семинарлар ұйымдастыру.