Үстел теннисінен жеке әлем чемпионаты Хьюстонда (АҚШ) басталды. Алғаш рет 120 спортшы ұлдар мен 118 спортшы қыздар плей-офф форматында өнер көрсетеді, онда қатысушы бірінші жеңілістен кейін турнирден шығады. Бұл олимпиадалық жүйе қатал, бірақ қарқынды күреске ықпал етеді, ойындардың ең аз айналымында чемпионды анықтауға мүмкіндік береді. Бүгін шығып қалу ойынында Зәуреш Ақашева (Қазақстан) командалық есептегі Панамерика ойындарының чемпионы Даниели Риосты (Пуэрто-Рико) 4:1 есебімен жеңді және 1/32 финалда аралас разрядтағы Токио Олимпиадасының чемпионы Ито Мимамен (Жапония) кездеседі.

Анастасия Лаврованың (Қазақстан) қарсыласы жұптық разрядтағы 2016 жылғы жасөспірімдер арасындағы әлем чемпионатының алтын жүлдегері, 2020 жылғы жастар арасындағы Еуропа чемпионатының күміс жүлдегері, 2018 жылғы жазғы Жасөспірімдер арасындағы Олимпиада ойындарының қола жүлдегері румыниялық Андрея Драгоман болды. Ойын тартысты өтті. Есеп 3:4, румыниялық ойыншы ары қарай жарысты жалғастырады.

Талап Қойбағаров