Астананың мектепке дейінгі мекемелерінде үстел теннисі секциялары жұмыстарын бастады. Жас және жаңа бастаған спортшыларға арналған жаттығулар «Үстел теннисі балабақшадан» бағдарламасын жүзеге асырудың арқасында қол жетімді болды.

Елорда Қазақстан үстел теннисі Федерациясының жобасы сәтті іске қосылған үшінші аумақтық бірлікке айналды. Жаттығулар астананың бес ауданындағы балабақшаларда қолжетімді: Есіл, Байқоңыр, Нұра, Алматы және Сарыарқа.

Бұл бағдарлама жас қазақстандықтар арасында спорттық мәдениетті дамыту мақсатын көздейді. Секциялар жұмысының басты назары балалар арасындағы денсаулық пен дене белсенділігі деңгейін арттыруға, балаларды спорттық іс-әрекетке неғұрлым терең тартуға ықпал етуге, белсенді ұрпақты тәрбиелеуге, бұқаралықты арттыруға және бүкіл Қазақстан бойынша таланттарды іздеуге аударылды. Жас қазақстандықтар арнайы секцияларда жаттығу кезінде мектеп жасына ауысқан кезде кейіннен спортшы ретінде қалыптасуы үшін қажетті дағдылар мен спорттық негізге ие болады. Бұл жағдайда спорт түрін таңдау қажеттілігі болмайды.

Жобаны іске асыру үшін Қазақстан Үстел теннисі федерациясы балабақшаларға барлық қажетті спорттық жабдықтарды, соның ішінде теннис үстелдерін, ракеткалар мен доптарды ұсынады. Сабақтарды бақылауды жаттықтырушы персоналы жүзеге асырады.

Естеріңізге сала кетейік, бұл бағдарлама алғаш рет Ақтөбе облысында басталған болатын. Содан кейін сабақтар Түркістан облысындағы балаларға қолжетімді болды. Ұзақ мерзімді келешекте бүкіл елді қамту жоспарлануда.