Алматыда үстел теннисінен еліміздің ашық чемпионатының соңғы туры басталды, оған он команда қатысуда, олардың әрқайсысы оңтүстік астанада өз міндеттері мен жоспарларын шешуде.

Нұрлан Дүйсембинов, "Жетісу" (Алматы облысы): "Қазір жалпы есепте көш бастап тұрмыз, және Суперлиганы жеңу үшін төртінші орыннан төмен емес орын алуымыз керек. Бұл біздің қолымыздан келеді, бірақ қарсыластар өте күшті және соңғы турға дейін шайқас болады".

Қуаныш Жүнелбаев, "Ақтөбе": "Алматыға қола медаль үшін ұшып келдік. Өте жақсы дайындалдық, көп жаттығу жасалды. Барлық 100% - ға сапалы ойын көрсетіп, үшінші орын аламыз деп үміттенемін".

Әлішер Яқұпбаев, «Альянс» (Қырғызстан): "Объективті себептермен қорытынды турда біз мықты құрамда емеспіз, бірақ кез келген жағдайда да Суперлигадағы орын үшін күресті жалғастырамыз. 2020 жылы да "Альянс" Қазақстан ашық чемпионатының мықты дивизионында өнер көрсететініне сенімдімін".

Айнұр Ибрагимова, "Хван Ман-Гым" (Өзбекстан): "Осы күндері Наманғанда Өзбекстан чемпионаты өтіп жатыр, Алматыға тек жас теннисшілер ғана келді. Жоғары орындар жоқ, сондықтан балалар өз көңіліне ойнайды, қазақстандық клубтарда өнер көрсететін ресейлік мықты спортшылардан тәжірибе жинайтын болады. Суперлигадағы ойындар бізге өте пайдалы".

Талап Қойбағаров