Еліміздің үстел теннисінен ұлттық құрамасының жаттықтырушы-кеңесшісі Дмитрий Левенко (Австрия) өткізген онлайн семинарға қатысушы Қазақстандық тәлімгерлер аяқ жұмысының техникасын талдады.

Оң және сол жақтағы қозғалыстарды ұтымды пайдалану тұрғысынан негізгі позициялар қарастырылды, ауырлық орталығының дұрыс бөлінуі схемалық түрде талқыланды. Үстел теннисіндегі қозғалыстар дененің барлық бөліктерінің үйлесімді өзара әрекеттесуі нәтижесінде жүзеге асырылады, соның арқасында дене, бас және аяқ-қолдар кеңістікте осы техникалық элементтің орындалуы тұрғысынан оңтайлы позицияны алады. Сондықтан "аяқтың жұмысы" термині тек аяқтың ғана емес, сонымен бірге бүкіл дененің қозғалысын білдіреді, оның әр бөлігі белгілі бір мақсатқа сәйкес жұмыс істейді. Он екі дүркін әлем чемпионы Ихиро Огимура (Жапония) - атап өткендей, үстел теннисінде қолдың жылдамдығы өте маңызды, бірақ аяқтың жылдамдығы одан да маңызды.

Семинарда Дмитрий Левенко жаттықтырушылардың сұрақтарына жауап берді.

Талап Қойбағаров