Қазақстанның теннисші ұлдары мен теннисші қыздары Орталық Азия іріктеу турнирінің финалына шығып, жасөспірімдер арасындағы Азия чемпионатына жолдама алды. Алан Құрманғалиевті, Ескендір Харкиді, Санжар Жұбановты, Сағантай Құрмамбаевты, Сарвиноз Мирқадірованы, Ангелина Романовскаяны, Анель Бақытты, Алиса Цвигунды, жаттықтырушылары Евгений Тимченко мен Самат Бейсеновты құттықтаймыз. Жарыс "ADD" Алматы үстел теннисі орталығында өтуде және 2 маусымда Иран, Қырғызстан, Тәжікстан, Түрікменстан, Өзбекстан, Қазақстан құрамалары алдымен кіші топтарда, содан кейін жартылай финалдарда жекпе-жектер өткізді. Ұлдар арасында 100 пайыздық жеңіс нәтижесін Иран, Қазақстан көрсетті және 3 маусымда өзара бірінші орын үшін ойнайды. Қола үшін Түрікменстан, Өзбекстан таласады. Қыздар арасында чемпион кубогын Қазақстан, Өзбекстан, ал 3 орын үшін Иран, Қырғызстан командалары сарапқа салады. Сонымен, жарыстың басты қорытындысы - құрлықтың жасөспірімдер чемпионатында біздің Орталық Азия өңірін Қазақстан (ұлдар мен қыздар), Иран (ұлдар), Өзбекстан (қыздар) таныстырады.