Жаңа, заманауи "Jenimpaz" үстел теннисінің орталығында (Павлодар қаласы) Қазақстан чемпионаты өтуде және бүгін командалық есепте алтын, күміс жүлдегерлер анықталды. Алаңға бірінші болып Нұр-Сұлтанның, Шығыс Қазақстан облысының ерлер құрамасы шықты: Кирилл Герасименко Сергей Коноваловқа қарсы (3:1). Бірінші партияны күтпеген жерден Сергей 11:3 есебімен оңай жеңді. Ол сондай-ақ сенімді түрде екінші партияны да бастады, есепте алдыда болды, бірақ Кирилл Герасименко "оянды" және 15:13-есебімен жағдайды түзеді. Одан әрі барлығы Қазақстан құрамасының көшбасшысы жоспары бойынша дамыды 11:8, 11:2. Александр Герасименко-Денис Жолудев (0:3). Күрес нәтиже бермеді, Шығыс Қазақстаннан келген тәжірибелі шебер қажетті ұпай жинады.

Тимофей Герасименко-Сағантай Құрмамбаев (3:2). Бұл ойындағы жеңіс Нұр-Сұлтан қаласын 95%-ға және Шығыс Қазақстан облысын 70% - ға алтын медальға жақындатты, себебі алда Кирилл Герасименконың қатысуымен өтетін матч болды. Екі спортшы да көрермендерді жарқын ойынмен қуантты, барлық бес партия да залды шиеленісте ұстап, жүйке ахуалын астаналық теннисші жақсы көтере алды.

Кирилл Герасименко - Денис Жолудев, есеп 3:0, Нұр-Сұлтан қаласының құрамасы-Қазақстан чемпионы. Лайықты жеңіс.

Әйелдер арасындағы командалық финалда Шымкент пен Нұр-Сұлтан ойнады: Сарвиноз Мирқадірова-Анастасия Лаврова (3:0). Екеуіде еліміздің ұлттық құрамасының мүшесі, халықаралық дәрежедегі спорт шеберлері. Жанкүйерлер үшін күтпеген жерден Сарвиноз Анастасияны оңай жеңді.

Әнел Бақыт-Алиса Цвигун (2:3). Кеше Алиса өзінің жеңісімен команданы финалға шығарды, ал бүгін өте маңызды ұпай жинады.

Гүлноза Камилжанова-Малика Сандыбаева (1:3), Әнел Бақыт - Анастасия Лаврова (2:3). Жалпы есеп 3: 1, алтын медальдар Нұр-Сұлтан қаласының иелігінде. Құттықтаймыз! Чемпионатта астана күні!

Ерлер командалары арасындағы финалдық сегіздік:

1-Нұр-Сұлтан қ.

2-Шығыс Қазақстан облысы

3-Қарағанды облысы

3-Батыс Қазақстан облысы

5-Шымкент қ.

6-Алматы қ.

7-Жамбыл облысы

8-Павлодар облысы

Әйелдер командалары арасындағы финалдық сегіздік:

1-Нұр-Сұлтан қ.

2-Шымкент қ.

3-Қарағанды облысы

3-Батыс Қазақстан облысы

5-Алматы қ.

6-Павлодар облысы

7-Маңғыстау облысы

8-Шығыс Қазақстан облысы

Қазақстан чемпионаты жалғасуда.

Талап Қойбағаров