9 желтоқсанда Тунисте қазақстандық үстел теннисінде тарихи оқиға болды. Жасөспірімдер арасындағы әлем чемпионатында қарағандылық Алан Құрманғалиев Хана Годамен (Мысыр) бірге аралас жұптық разрядта әлем чемпионы атанды. Финалдық матчта Қазақстан-Мысырлық дуэті Тьяго Абиодан/Мария Берзостан (Португалия/Испания) мықты болды.

"Бұл тарих! Біздің жас Алан Құрманғалиев әлем чемпионы атанды. Біздің үлкен үстел теннисі отбасымыз бұл нәтижеге өте қуанышты және оны спортшының қажырлы еңбегі мен өз ісіне деген сүйіспеншілігінің нәтижесі ретінде бағалайды. Алан жыл бойына тұрақты нәтиже көрсетіп, 19 халықаралық бастамалардың медалін жеңіп алды, қатты жаттығулар жасады және дағдыларын жетілдірді. Бүгін ол Қазақстанның атынан үстел теннисінен алғашқы әлем чемпионы атанып, тарихи оқиға жасады. Біздің еліміз осы спорт түрінен жаңа халықаралық деңгейге шықты. Бұл бәріміз үшін өте маңызды және әсерлі сәт. Чемпионымызды тәрбиелеген жаттықтырушы Эльмира Әлиеваға алғысымды білдіремін. Аланды және үстел теннисінің барлық жанкүйерлерін шын жүректен құттықтаймын. Біз спортшымызды мақтан тұтамыз!",- деді үстел теннисі Федерациясының президенті Данияр Әбілғазин.

Бір жыл бұрын қазақстандық жанкүйерлер әлемдік біріншіліктің алтын медалі туралы армандай алмады. Алайда спортшы мен жаттықтырушының бірлескен жұмысы, еңбекқорлығы және жаттығу залында өткізген жүздеген сағаттары өз жемісін берді. Біздің құраманың бас жаттықтырушысы және 7 жасынан бастап жаттықтырған Аланның жеке тәлімгері өршіл жоспарлар құрып, оларды 2022 жылдың 9 желтоқсанында Тунисте орындады. Құттықтаймыз!

Тунистен Талап Қойбағаров