10 мамырда Қазақстан Президенті Түркияға мемлекеттік сапармен келді. Ол Мұстафа Кемал Ататүрік кесенесіне барып, Мемлекет басшысы Режеп Тайып Ердоғанмен кездесті. Түркия президенті Қасым-Жомарт Тоқаевтың биылғы жылдың күзінде Қазақстанға сапармен келуге шақыруын қабылдады. Сондай-ақ, екі елдің басшылары өзара қарым-қатынастарды кеңейтілген стратегиялық әріптестік деңгейіне шығаруға келісті. Сауда-экономикалық, инвестициялық және мәдени-гуманитарлық ынтымақтастықты нығайтуға көп көңіл бөлінді. Сонымен қатар, ресми делегация мүшелері бірқатар құжаттарға қол қойды. Ресми іс-шаралар аяқталғаннан кейін Қазақстан мен Түркия президенттері үстел теннисін ойнады. Фотосуреттерді Мемлекет Басшысы Қасым-Жомарт Тоқаевтың баспасөз қызметі жариялады.